Wuazlbia


Aus den Archivn von da a.c.a, 05.08.97 - 20.08.97

Martin Schoepf:
  Oiweu no liawa wia a ruutbia !


Schnitzlvatuega:
  A gaunz blede Frog: Wos is "ruutbia"?


Johannes Karanitsch:
  Wuazlbia - fia Europea aungeblich a Brechmittl,
  owa de Amis drings recht gean.


Bernd Wender:
  Is des sowos wia a Dschindscha-Eel? I maan, Dschindscha is jo a
  Ingweawuazn.


Christian Donner:
  Schmegd wie a Midlding aus Lackrizn und Cola. I hobs amoi drunggn,
  weu i nua "bia" keat hob. Woa a einpregsaumes Ealebnis.


Schnitzlvatuega:
  *grusl*
  Huacht si ehnlich schlimm aun wia a Diesel ...


Kirsten R.:
  Ois I muss des noamoi probira I wohn ja hia in Florida. Oba I hob des
  amoi probiat vor viln joarn. Des is a greisliches Zeig..mei, Cola un'
  Lakritz im Mund schmeakt echt guat!! Des muscht amoi probian... oba
  *root beer* is a netamoi a halb so guat.. des is wia kreizlich suasses
  Zeig miat koanem richtgn G'mschack oigentliach. 
  Wan I des ueba mi bringa du des zu probira dann weng I es Ei wissen
  loassn.


Schnitzlvatuega:
  Des huacht si fost aun wia a Kracherl beim Heirign, oda? I hob scho
  ewig kan mea trunkn, owa i bued ma ei, dass picksiass woa.

  >Wan I des ueba mi bringa du des zu probira dann weng I es Ei wissen
  >loassn.

  Muasstas hoit vaedln. Bis Du herausgfundn host, woecha Schnops
  dazu am bestn passt, host a Weu z'tuan. :-)


Reinhold Aman:
  > Is des sowos wia a Dschindscha-Eel? I maan, Dschindscha is jo a
  > Ingweawuazn.

  Naa, "ginger ale" is wos anderscht.
  "Root beer" (woertlich 'Wurzelbier') ist eine Art Limonade, sehr
  suess, braun gefaerbt und hergestellt mit einem Extrakt von der
  "zarzaparrilla" (spanisch) Wurzel von einem tropischen
  amerikanischen Strauch.
  Den Gschmack vom Wuazlbia kamma iwahaubt need bschraim.


Erhard Siegl:
  > Den Gschmack vom Wuazlbia kamma iwahaubt need bschraim.

  Du nimmst a vieatl Fanta schittst a ochtl Cola eini. Daun gibst
  zehn Gummibeali dazua und kochstas 5 Minutn auf. De gaunze mischt
  mid an vieatl Kamuentee und lostas zwa Tog und 35 Minutn bei 29
  Grad im Schottn ziagn. So schmeckt Wuazlbia. I hobs amoi brobiat
  weus Bia haast und woa wiakli ibaroscht. 


Martin Schoepf:
  > So schmeckt Wuazlbia. I hobs amoi brobiat weus Bia haast und woa
  > wiakli ibaroscht.

  Do host vagessn, des gaunze mid anahoib Essleffö fünf joa ogrendn
  Huastnsoft ozschmeckn. Oba sunst, jo, stimmd. Des Glumpat z'kostn is
  wiakli a einschneidendes Ealebnis.


John Gruber:
  Heasd, a so a Ruutbia vaum Aeii end Dabbljuu is doch wos feins aufan
  woaman Tog. Vuelleichd an Wissldog dazua mid vue Reelisch und an
  Podzn Tomatnsoss...

  I waas ned vue bessas auf dera Woed.

 
Schnitzlvatuega:
  >Den Gschmack vom Wuazlbia kamma iwahaubt need bschraim.

  Hmmm... sea siass, braun, Limonad, aus an exotischn Extrakt ... 
  huacht si fost wia a Cola aun.


da Hiasl:
  Do blaibt daun nua mea zn sogn >> amoi und nia wiida<<
  wau ma des amoi xoffn hot , waij ma amoi so 
  bled uns so naigrig woa .

  I daat sogn des >>root beer<< is a schwara 
  rechtschraibfo"la fo de ami - mia olle
  wissn jo dass sa si hoat miin schraim duan -
  waij so schlimm wia des schmeka duat 
  miasaz aigntli >>rude beer<< haasn . 

  Des >>rude beer<< kenz fadaumpfn lossn ,
  do wu" ee kaana aan schluk dafau mocha,
  aussa filaicht so a ami met so aan
  zimli guad entwikltn gschmoksinn .

  Befua iis , fagis ; wos hot des ruat bia aigntli
  fia a foab ?


Erich W:
  > Befua iis , fagis ; wos hot des ruat bia aigntli
  > fia a foab ?

  Brown 26: the same colour as Uranus :-(


Andreas Leitgeb:
  : Befua iis , fagis ; wos hot des ruat bia aigntli
  : fia a foab ?
  waun i mi recht arinna, dann woa des so ehnlich wia a kola.
  sunst hots owa ned vU  midm kola gemeinsam. Den vurherign
  SUdarungan in sochn gSmok konn I mi nua auSliassn. (iwrigens,
  da ogrennde hustnsoft is So nodwendig, damit ma wiakli kaan 
  untaSied zum oritSinal meakt.)

  PS: I hob amoi so zum prowian, dem hiasl sein vuaschlog vawendt.
      I waass owa ned, owimi do wiakli draun gwehnan kennt.


Christian Donner:
  > Befua iis , fagis ; wos hot des ruat bia aigntli
  > fia a foab ?

  schwoaz wia's giness.


Schnitzlvatuega:
  >schwoaz wia's giness.

  Oiso kenntast a a Sackl Koin auspressn und uadntlich zuckan ...