soebstmoadweda


Aus den Archivn von da aca, 23.11.95

[des is da mid Obstaund depressivste Artikl in de Archive -
beeindruckend]

Raphael Kronberger:
  wia i in da fruah ausm fensta schau, und i siach des gschissane
  weda, do ziagts mi hin, zu meim kuehschraunk. wiaso, frog i mi daun
  is im meim schedl net a so scheen kloa und rein wia do drinnat?
  de bieare san hoit do iagendwia gluecklicha ois mia olle midanaund.
  wei de hom ned aso a schaas weda in eanan kueschraunk.

  Daun moch in kueschraunk auf und schtek in schedl eini und denk ma
  waar i do aa a so a glueckliches biea und miassat net aussekreun zua
  dera scheislichn hockn.
  und daun mechat i olas vagessn und nix mea hean und seng
  oba des lichtal in meim kueschraunk is zhoe. oiso hau i mit ana
  bieafloschn drauf dos ausgeht.
  und wia i so de ogschlogene bieafloschn in da haund hoit deng i ma
  bei mia im dunkln in meim kuehschraunk jeezt, deng i ma jeezt waarat
  die gelegnheid so wiaklich eins zu weadn mid meim biea und ischau no
  kuaz amoi auf de floschn und auf mei haund, und es tuat goa net weh
  und i gschpia wia a teui vo mia, wia mei bluad si in dem dunkln
  kuehschraunk midm biea vamischt, wia i mi soebst laungsom imma mehr
  midm biea vaeinig.

  und laugsom vagiss i ois rund um mi hearum, de koedn und ois,
  und es eafuet mi imma mea, gaunz laungsom a gefueh vo weame und
  muedikeit... 


Mr. Bean-d:
  Supa Gschichtl, heast! A de von Markus woa ned schlechd. De AZeeAaa
  mausat si laungsam zu *dea* Kuituagruppn in .at, des gfoit ma!

  An Dip no aunan Raffi: Schmeiss de Zentralfriedhof wegga, de bringt
  di nua auf schlechde Gedaunkn, so a la "heite drah i mi ham, schneid
  mad Buisadan auf, ma wiad - nua sche laungsaum miad, bis ma nixmea
  gschbiead', huach da liawa wos Gscheidas au, iwa waas midn
  Koalabealiblues, des is Heppisaund!
  (ned wiakli a Bluus, owa wea frogt ...)

[Und jetz foigt ana von de krassestn Themenwexl inahoib von an Sred]

Da Tschoo:
  Gaunz deina Meinung, wia schaut uebrigens de Schtatisk vom W6 aus?
  Wiafue haum sie schau den Koalabealiblues aungsaugt?

Da K.u.K Matmatika:
  I hob man jetzt endlich aunhean kinna. Da Tschoo hod leida recht
  ghobt, wiara ma gschriem hod, doss de Aufnohmequalitaet ned guad
  is. Ma vasteht in Text kaum. Mei dem Text is des wiaklich Schod.
  Sunst woa i eigentlich positiv uebaroscht.
  Soit mas nuamoi probiern? Mid an gressan Chor. Oba wia kennan ma de
  Aufnohme fabessan?

Tschoo:
  >Soit mas nuamoi probiern? Mid an gressan Chor.
  Unbedingt!
  >Oba wia kennan ma de Aufnohme fabessan?
  Mia brauchn an Raum mit ana bessan Akustik, de kahlen Koelawaend
  halln zu vue. Was oda hot wea an Raum fia sowos?

Beand:
  |> >Soit mas nuamoi probiern? Mid an gressan Chor.
  Jo kloa, owa mia haum scho sovue Obsogn griagt. I hob uewrigens am
  Dunasdog mei Schdimm valuan, weuli in da Hockn sovue redn hob miassn
  und ee so vakuet woa, owa es geet ee scho wieda. Woatma vielleicht
  no a Zeidl.

  |> >Oba wia kennan ma de Aufnohme fabessan?
  |> Mia brauchn an Raum mit ana bessan Akustik, de kahlen
  |> Koelawaend halln zu vue.
  |> Was oda hot wea an Raum fia sowos?
  200 Eiakaatons und 5 Kilo Pattex dadns aa ;)))