Schbemma Ballade


Aus den Archivn von da a.c.a, 07.02.97

John Gruber:
  Und jez, zua Obwegslung, bring i eich den Schbemmer Rep.
  Bringsd eich in di Muud, lossds de Schuadan haengan, mochsd
  schbasdische Bewegungan mid de Hend,
  sezsds eich an gschdrickdn Huad auf, mid a poa lufdige Hosn
  und es gehd scho los:
  Musikalische Untamohlung....
  Dududubddududubdub dadudabengdumdadudadumdababum....

  di Schbemmer schbemman umma wia de Schbemma hoid so tuan,
  es war a Muads Dilemma wau di Schbemma warn vastuam.
  Es isa wora Graus, wau i vuam meim Kombjutaa
  di Stiefl ziach mia aus. Mei Oide sogd: mei Liaba,
  di Schbemma san ma liaba,zwoa bringans di ausm Heusl
  oba du gehsd kaum mea ins Beisl... du weast ma laungsaum fad.

  Und i sog imma wida, wos dad ma ohne Schbemma,
  a katasdrofaals Dilemma..Scho dea Tscheneral , dea oide Kaster,
  hod gsogd zua seine Gfrassda, schiassz o de oidn Schbemma
  mia woin do ka Dilemma. Und wia ea so dahinsinniat, hod eam a
  Pfeilschbitz ausradiat, zeast ana, nocha zwaa und drei,
  zan Schluss woan glab i mea dabei.

  Nua a tota Schbemma is a guada Schbemma, 
  hob i mia oiweu denkd, jez is soweid, jez wassis
  wia a Schbemma ob uns lenkd.
  Vau hintn und vau vuan, dea Augriff is enuam,
  wos woi ma denn, was soi ma denn,
  es hoidad uns in Fuam.

  So Schbemma, duads nua schbemman, mia brauchad eich,
  gewiss, und des is woa, und des is gloa,
  mia gebn goa kan Schiss. Mia hockn in di Tastn, 
  bis uns de Finga wund, und denkn unvadrossn:
  Ob Muagn wiad zurueggeschossn...