I hau eana e a a Oa einitau


Aus den Archivn von da a.c.a, 21.05.97 - 22.05.97

Martin Ecker:
  Wea waass flotte Sprüch, de wos de Deitschn net vastengan?
  Wia zum Beispü: I hau eana e a a Oa einitau. (wos i oft zu Ostan
  gheat hob.)


Bernd Wender:
  Eigentlich glauwi, das de Deitschn uewahaupz Schwierigkeitn haum,
  des do zun Vaschdee, wos mia in da a.c.a. palawan. Owa des is
  woascheinli a schdoak vo eanan Hintagrund obhengig und vo da
  Region, vo dea's kumman (und ned z'Letzt vo eanan Gfue 4
  Schbrochn und eanara Aunbassungsfehigkeit).

  Oiso, a guada Schbruch is zum Beischbue, waun da dei Oide sogt,
  Martin, do san a Haufn Packln 4 di auf da Post und Du soxt:
  'Jo, di hol i e olle oo'. Si wiad daunn glaum, Du bisd guad
  aufglegt und faungst desweng zum Jodln au. wie finzt des?


Erhard Siegl:
  Unlaengst sitz i mid a poa Kollegn im Biagoatn bei ana Moss
  (Biafadaumpfa, des wa wos fia di) und man: "Bei eam rennt hoit da
  Schmeh." Sands olle ausgstiegn.
  Oda waunst zu an Deitschn sogst: "Hoist a Haefal ausm Kastl?",
  daun schauta di wascheinlich a gross au.
  Probias amoi mid: "Heia geht si des nimma aus!" Vielleicht
  fastengan des nu a boa Boan.


Bernd Wender:
  Eahaad, des is komisch. Des Beischbue kenn i scho und zwoa
  vom MiR aus da s.c.a. Ea hoz daumois ungefea so foamuliat:
  'Als ich mir heuer einmal ein Haeferl aus der Kredenz nahm,
  um mir Palatschinken zu machen, hatten meine Wohnungskollegen
  schon 4 Woerter in dem Satz nicht verstanden'

  Haum mia do amoi druewa gredt, is des pura Zufoi oda etwa
  scho Kommon Sens? Oda wieda amoi Delebatie?


Erhard Siegl:
  Des is gaunz anfoch. I hob des daumois a glesn. Oba es is ned
  nua des "Haefal" und des "Heia" mid dems Probleme haum, sondan
  a des "Kastl" und des "geht si nimma aus".
  De Deitschn neman nemlich weda "Gwaund" nu "Haefal" ausm
  "Kasten" sondan hechsten a boa Bia, de mia wiedarum aus da
  "Kistn" neman. Und wia i amoi vom "Sessl" aufgstaundn bin
  zun zu mein Schef gmant hob "Das wird sich aber nicht mehr
  ausgehen.", lochta uns sogt:
  "Das hoere ich in der wiener U-Bahn auch immer wenn ich frage
  ob ich es bis 9h noch zum Karlsplatz schaffe!" :-)

  Uebaroschung hob i a nu mid Foigendem ausglest:
  "Dieses Wochenende muss ich 'uebersiedeln'!"
  "Welche 'Klappe' hat dieses Telefon?"
  "Ich geh noch schnell zum 'Bankomat'!"
 
  Jo, jo, ma hods ned leicht, oba leicht hods an!