Die komische Uhr läutet plem plem


Aus den Archivn von da a.c.a, 10.05.97 - 20.05.97

Heinz Nessizius:
  ...  [Jo, des woa ois wos da Heinz gschriem hod]


Bernd Wender:
  Heinzi, friara is da owa mea eigfoin! Wos is los? Muasd scho
  wieda sovue hackln?


John Gruber:
  es hed do hassn soin: de Kosmische Ua leitat plem plem.
  Des is au und fia sich ja scho a Bombn Schdeitment. Nua scheinds hoid
  duachn Tipfoela sea komisch. Oiso Heinz probias no amoi und loss de Ua
  leitn dossmas duach de gaunze Galaxi hean..


John Gruber: 
  Wos plempat zua Joatausndwende...
  san des zum Schluss di Aussnwende ??

  Schittls eich scho???


Bernd Wender:
  > Schittls eich scho???

  Ned wiakli, Feadl. Des foit woi mea unta de Kategorie 'gequoeta Reim'.
  Browias mid am Limmerick, vileicht geed des leichta.
  Schittla san oft pestig, owa waun da ana eifoit, des is scho a
  Gluecksgfue.


John Gruber:
  Es is gequoet. Ka Zweifl. Oba wos i wiakli gmaand ho san di Ausswend
  vaum Spesschip Oeath. Es glingt jo so ois ob des Joa 2000 unsan Planetn
  vanichtn dad..

  Es woa so um di Joatausndwendung,
  ma hod uns odeit a Zeidvaendrung;
  di Zeid hod se nix gschead,ob  ana wos reat,
  vau Apokaliptischa Schteanvaendarung.

 
Heinz Nessizius:
  > es hed do hassn soin: de Kosmische Ua leitat plem plem.
  > Des is au und fia sich ja scho a Bombn Schdeitment. Nua scheinds
  > hoid duachn Tipfoela sea komisch. Oiso Heinz probias no amoi und
  > loss de Ua leitn

  des is ned vadippt. des is de hechste boedische leisdung wos i
  zaumbring. Schau: kosmisch - a schasbegriff in den zusommanhaung -
  ma mochd des s weg - und scho is komisch. A sadire ohne dass ma
  sunst wos duan muass. 

  Doss drozdem a schas is, is hoid a bech. des boetdische risigo.

  Bernd: Seavas. Gfrei di mid mir. Negstn Freidog bin i um hoiba ans
  in da fruah bein wiaschdlmau am giatl - bei den bei da daliastrossn -
  gschdoed. des is da beginn vo 3 wochn heimadurlaub: litaweis spridsa
  lewakas burnheidl xoechds fiakagollasch zan fruehschduegg schdoezn
  schwoazfoan und schmefian. wöhd. 
 

Bernd Wender:
  Na supa, waunn des ka Grund fia a Komideedreffn is! Es warat ee scho
  fellig. Waunst in Wean ned auns Netzal kummst, ruaf mi hoid amoi in
  da Hockn au. [Telefonnumma glescht]. Bin ee fost imma do. Nextn Freidog
  soxt? Des warat daunn oiso da 23. Und Du bisd daunn so bis am 13. Juni
  do? Do kenntat ma jo in dera Zeid a klans Komideedreffn eiplanan.
  Komideela, wos is? Mochma wos?