Hablo espa~ol


Aus den Archivn von da a.c.a, 01.05.97 - 08.05.97

jgruber@cadvision.com (interpreter & translator)
[in Wiaklichkeit da Hiasl]
  Hi you dagos,(aren't you called so by the AngloSaxons)  

  I'm angry about your rude impudent behave. 
  This is an Austrian group.
  I don't mind if you annoy the Americans or other
  fuckers but this is an Austrian group and
  I don't want my people to be bothered by you.

  So I ask you politely to get outta her or post in
  the New World Language we are speaking here.

  Bugger off ! ( just for being British ) 


Bernd Wender:
  > So I ask you politely to get outta her or post in
                            ^^^^^^^^^^^^^
  Nau, seawas, Feadl, waunn des ka Freud'scha Vaschreiwa woa ...


Bernd Wender:
  > Nau, seawas, Feadl, waunn des ka Freud'scha Vaschreiwa woa ...
  ... bsundas waumma si di I-Mehl-Adressn vo dem Wappla auschaut:

  > sarnal@tinet.fut.es


josef weisgram:
  jojo, es fruejoa mocht se a en da aca bemeakboa...


John Gruber:
  Buenas dias amigos,

  De Adress is guad..... Ibrigens, des obngnaunde posding is ned vo mia
  kumma. Es is nua mein Noman vawendat wuan.... Da Posda hod mi ned zan
  Wuat kumman losn.


Bernd Wender:
  Stimmt! I hob ma grod den Full-Heda augschaut. Es hod mi ee scho
  quundat, das Du so a schlechts Englisch schreibst. Des woa sicha
  wieda dea aughaute Buagnlandla mid sein 'Redikel Ostrien Muufment'.
  I glaub, mia soitn eam da Schdapo moedn, des is sicha da Briafbomba.
  Waast ee, stilistische Doanung und so. Na jo, aundaraseits, is jo a
  oama Noa aa, glaubt, ea is bsundas lessig, wauna do in da Gruppn
  sein Mist ologat.


John Gruber:
  Eso es, mia vagebnds eam, desmoi. Is jo kristlich, ned woa. Oba i glab
  unsa Mau is ka Buagnlenda. Laut seine Posdings isa a Ungar. Mate
  Liska..usw.usw. Oba a poetische Oda hodda. Nua vaschdeng is ned. Bi
  aufd foische Richdung ausgwondat.Mia haums imma gsogd: go west young
  man.... Do bin i hoid Richdung Wesdsn gaungan, hob mi vaiat und hob
  neama zrugggfundn... Damois haums ja no kaane Globel Posischioning gho.
  Jezd hob i an so an Aparat un d i wass imma wou i bi. Aussa i hob zvue
  zan drinkn gho, daun is sogoa da GP fia nix weat.


Christian Pree:
  >Eso es, mia vagebnds eam, desmoi. Is jo kristlich, ned woa. Oba i
  >glab unsa Mau is ka Buagnlenda. Laut seine Posdings isa a Ungar.
  >Mate Liska..usw.usw.

  Des is no ka Widaschpruch, ea kaun jo beides sei.

  >Damois haums ja no kaane Globel Posischioning gho. Jezd hob i an
  >so an Aparat und i wass imma wou i bi. Aussa i hob zvue zan drinkn
  >gho, daun is sogoa da GP fia nix weat.

  Waunst saufn wuesd, is is LP (Local positioning) eh vue gscheida: Du
  positioniast Di in a Lokal und saufst Di nieda. Zum Hamgeh vawendst
  daun de zweite Stufn vom LP: Du frogst in nextn Kiwara, wiavue Diwen
  Du auf da Bian host. Sogt da Kiwara "Drei", waast, Du hast no zwa
  Laternen bis haam.

  (Vuraussetzung dafia is natiali, dass da Kiwara bis drei zoeln kaun).


John Gruber:
  > Des is no ka Widaschpruch, ea kaun jo beides sei.

  Wia des??
 
  > Waunst saufn wuesd, is is LP (Local positioning) eh vue gscheida:

  LOcal Positioning ? Hmmmm. Na i dad mi ned aufn Kiwara valossn weu de
  san ned oiweu valesslich. Liaba an Hund wia da Hauns Moser (..wenn i
  mit meinem Dakl, vau Grinzing heimweats wakl...etc). Oda an Hamsta,
  oda a homing Pitschn (Briaftaubn) de da aum Hondglenk festbindast mit
  ana longan Schnua..


Schnitzlvatuega:
  >Wia des??

  Weus im Buagnlaund kroatische und ungarische Mindaheitn gibt.
 
  >LOcal Positioning ? Hmmmm. 

  Des afochste is, Du schlogst glei beim Wiatn is Zoet auf, daun spoast
  Da is Hamgeh. Des mid da Taubn und da laungen Schnua loss ned de Edith
  Klinger hearn, de is imstaund und kummt ume...


John Gruber:
  > Weus im Buagnlaund kroatische und ungarische Mindaheitn gibt.

  Des deaf ned woa sei. In dem foi bin i a esdareichische Mindaheid in
  Kanada. A rot-weiss-rote Fane haum ma eh scho. I brauch nua no an Odla
  mitana zrissnan Kettn.... Bold Iigl???
  
  > Des afochste is, Du schlogst glei beim Wiatn is Zoet auf, daun spoast
  > Da is Hamgeh. Des mid da Taubn und da laungen Schnua loss ned de
  > Edith Klinger hearn, de is imstaund und kummt ume...

  Dua mi schnoei aufglean. Wea is de Edith?? Etwas liabs????


Schnitzlvatuega:
  >Bold Iigl???

  Da Igl woa (is no?) a Maskottchen vom Bundeshea, woascheinlich deswegn,
  weus in Hea im Eanstfoi ned aundas gaunga wa ois an Igl, dea browiat, a
  Autobaun zum iwakwean.
  
  >Dua mi schnoei aufglean. Wea is de Edith?? Etwas liabs????

  A oesterreichische Institution: De Edith Klinger hod a Sendung im
  Feansehn, wos jede Wochn Viecha ausn Tiaschutzhaus vuastoet und neiche
  Besitza fia de Viecha suacht. Waunst an Viech wos tuast, und se kummt
  drauf, gehzs Da schlecht.