Delebatieknechtung Numero due


Aus den Archivn von da a.c.a, 12.02.97 - 26.02.97

Bernd Wender:
  Komidee!

  es woa a bissl schdue in di letztn Dog. Es gibt a boa, di unsa
  delebatische Huef brauchn (aundare brauchn a boa Griagl).

  Oiso wos is? Mochma muagn aufd Nochd wos bein Knecht (Do., 13.)?
  I dadad scho woin, und wia i xeng hob, bin i ned da anzige. Kau
  vielleicht no wea a Mehlaussendung mochn? I kau nimma greppn heid,
  so miad bini. Vielleicht hod wea di W/N/B-Mehladressn bei da Haund.

  Oiso Josef, Aboridschinie, Grisdian, AvL, Hoasdi, Isa, Ruul,
  Tschoo (waunsd ned beleidigt bisd weng da Heirigngschicht), Haudi,
  Fetznfliaga, Guaki, Tschexn, Dschina, Kindavabueda und wen i oin
  sunst no vagessn hob, i rechn mid eich.

  Wia was uma hoiwa Ochte? Landsknecht, ee kloa! Dea is a delebatisch sea
  guad zum erreichn, wia ma scho amoi xeng haum (a waun da mosj de
  Delebatie eftas mid da Delefonie vawexlt hod)

  Bis muagn hoffentli!


Schnitzlvatuega:
  I kumm hi. Und waun i mei Schnitzl allanich vadruckn muass, wern des
  kane guadn delebatischn Woelln wern. :-) Oiso, i zoe auf Eich!


josef weisgram:
  i wea mi bemuen, warat eh sch hechste zeit fia a griagl...


k.u.k. Schraufingarin:
  Und wonns Eich recht schnaggalt heit obnd, des bin i!


Michael Hackel:
  Duad ma lad, owa i bin heid fahindad, i kaun ned kumman. Owa i wia
  aun Eich denkn.


Wolfgang Howdii Howurek:
  Leida is de Hausmasdarei amfois vahindat heit. Oawat, Oawat, Oawat.
  Wenigstns delebatian wead i. Und passts auf, waun da Kaisa Franzl
  kummt!


josef weisgram:
  so neigierig bin i auf de delebatie... iatzt is 10 noch hoiwa ochte
  und i foa iatzt zan laundsknecht...mecht wissn wem iatzt des schnakkal
  stesst!


Wolfgang Howdii Howurek:
  I hob mi 10 noch 9 konnektiad. Woat... Da Schnitzlvatuega hod si fost
  aun an Bissn vaschluckd, da Mr. Bean-d hod fost auf sei Bala vagessn,
  und Du, Josef, host aun an laan Kriagl no amoi aunzahd... 

  Schdimmts? :-)

  da Hausmasda, dea delebatisch einegschaud hod...


josef weisgram:
  nau jo, fost. da schnitzlvatuega woa mit sein riesngoadonbloe (des
  fia iam natialich nua a miniatuapoatsion woa) scho lengst fiate;
  da beandi hot ununtabrochn fo seine balas gredt und i hob aun an
  griagl  auzaad, des woa olladings bumvoe...owa sunstn stimmts genau.

  es woa iwahaupt a dreffn des ollaheatestn keans, da beandi, da
  schnitslvatuega, da bixnmocha, da tscheksn und i woan de anzign de a
  glasl vatrogn haum, olle aundan woan no fan aschamidwoch ealedigt...
  ka drening de buaschn! da john hot uns iwrigns nem aundaren eagleart
  dass ma "buaschn" ois "buacn" schreim soitat, und "ksoechds" schdod
  "xoechts" wias i en da schui gleand hob. i glaub ea hod scho sei
  bevuastehende afrikamission mit uns dreniat, wos owa ka kunst net woa
  weu mia woan e olle nega.
  da beandi hot daun no eagleat dass da gresste vuateu vo sein
  bentsiumnotbuk is das ma ses ois deamofoa aum bauch legn kau weus so
  sche waamt...wea i ma a aans zualegn miassn, mia is e oft so koid aum
  bauch nochn vadaumpfn.
  hoffantle san ban nextn dreffn wida olle niacht und lossn se auschaun !


Wolfgang Howdii Howurek:
  : ...weu mia woan e olle nega.

  Aha! Des hod ma da Scottie no xokt, nochdema si a no konnekted hod!
  Sixt, de Delebatie haut scho recht guat hin!


Bernd Wender:
  Liabs Komidee,

  mei Mission im diafn Ostn (diaf im woastn Sinn des Wuats) is beendet.
  I muas sogn, i woa sea eafoigreich, weu mei Schbezl, da Joeag, dea wos
  a hoiwa Daene is, sogt jetzt nimma nua 'Hilsen' oda 'Moin', jetzt kau
  a a scho 'Seawas'. Aussadem hod a mi imma nochgmocht, und goa ned
  schlecht. Richtig weanarisch hod des scho glungan. Nua sei Oide, des
  wos owa ee goa ned oid is, nua nebnbei, hod mi ned gscheit vaschdaundn,
  do hod di Broduzentin eftas doimetschn miassn.

  So, und jetzt zua -- Kuitua:

  > Aha! Des hod ma da Scottie no xokt, nochdema si a no konnekted hod!

  und weida:

  Im Artikl <5e2bl1$ca5@news.Austria.EU.net> hod da horsts@ctr.co.at
  (Horst Steiner) gschriem:

  > (dens zu sein iwaglick heid a no as gas odrad hom

  Aun wos muas da gebuedede Weanaliadakenna do sufuat denkn? Na kloa!
  Roland Neuwirth:

  'I bin Nega! Voellig oobrennt. [...] Bei mia hengan si di Rotzn vua
  Hunga in da Dischlod auf. [...]' Weida unt in da Schdrofn beschweat a
  si a no, das ea si nedamoi midn Gashead hamdraan kau, weus eam s'Gas
  oodraht haum.
  Nau, waunn des ka realistischa Text is, daunn wasis ned.


Schnitzlvatuega:
  >nau jo, fost. da schnitzlvatuega woa mit sein riesngoadonbloe (des
  >fia iam natialich nua a miniatuapoatsion woa) scho lengst fiate;
  >da beandi hot ununtabrochn fo seine balas gredt und i hob aun an
  >griagl auzaad, des woa olladings bumvoe...owa sunstn stimmts genau.

  I vaschluck mi ned, scho goa ned aun an Goadon. Des min aunzahn am
  laarn Kriagl woa da Mr. Bean-d, owa des woa eascht schpeda. Des haast
  mia woan ned nua delebatisch, sondan a brekognitif untawegs! Haudi,
  Du bist a Waunzinn, des is jo mindestens P15, oda? Tiaftaucha, waast
  Du des?

  >es woa iwahaupt a dreffn des ollaheatestn keans, da beandi, da
  >schnitslvatuega, da bixnmocha, da tscheksn und i woan de anzign de a
  >glasl vatrogn haum,

  Jetz untatreibst owa a bissl ... a Glasl???

  >olle aundan woan no fan aschamidwoch ealedigt...
  >ka drening de buaschn

  Und de Madln eascht! 

  >da john hot uns iwrigns nem aundaren eagleart
  >dass ma "buaschn" ois "buacn" schreim soitat, und "ksoechds" schdod
  >"xoechts" wias i en da schui gleand hob. i glaub ea hod scho sei
  >bevuastehende afrikamission mit uns dreniat, wos owa ka kunst net woa
  >weu mia woan e olle nega.

  Waun i mir reecht erinna, is no um a Stufn kompliziata:
  Ma braucht an eigenen Buchstobn fias "sch" und fias "ch", dafia braucht
  ma is "x" ned, weu des is a "ks", und is c ned, weu des is a "z" oda a
  "k".

  Oiso wiad is "sch" is "c", und is "ch" is "x".

  Des haast, is Xoechde schreiwat ma daun "Ksoexds".

  Naujo. Gewoehnungsbediaftig is des scho.

  >hoffantle san ban nextn dreffn wida olle niacht und lossn se auschaun !

  Hoff mas!


Bernd Wender:
  > Soda, jetz woa i owa scho no auf an Bericht vom Mr. Bean-d, wia ea
  > des xeng hod.

  Oiso i kau mi ned earinnan, dasi amoi aunan laan Griagl auzogn hed.
  Woascheinlich hod des nua so ausgschaut, weu's Bia jo so schnoe
  vadaumpft is. I bin jo a neman Vadaumpfa xessn. Uewrigens dedis
  begruessn, waunn uns da Tschonn amoi a Obhaundlung uewa de seina
  Meinung noch richtige Rechtschreiwung fias w6 vafossn dad. Wauma so
  an ruchtig kombedentn Mau im Komidee hod, muas ma do scho wos mochn
  draus. Dschonn, i hoff, Du lest mid!


Tiaftaucha:
  >Haudi, Du bist a Waunzinn, des is jo mindestens P15, oda?
  >Tiaftaucha, waast Du des?

  Oda da Haudi is ana vo de Ollaeaschdn (im Komitte, pardon Kommittee,
  is ea des jednfois), dea wos in de Vagaungenheid lebt.

  >Waun i mir reecht erinna, is no um a Stufn kompliziata:
  >Ma braucht an eigenen Buchstobn fias "sch" und fias "ch", dafia braucht
  >ma is "x" ned, weu des is a "ks", und is c ned, weu des is a "z" oda a
  >"k".
  >
  >Oiso wiad is "sch" is "c", und is "ch" is "x". 
  >
  >Des haast, is Xoechde schreiwat ma daun "Ksoexds".

  Und des Schachspue wiad zu caxcpue :-)

  >Naujo. Gewoehnungsbediaftig is des scho.

  Das is a jede Rechtschreibrefoam. I glaub i bin scho z'oid dafia :-)