Boesie in da ACA Aus den Archivn von da aca, 13.09.1995 - 23.09.95 Robert Kosara: Ich moechte die Gruendung der newsgroup alt.fan.umberto-eco vorschlagen. 'Der Name der Rose', 'Das Foucaultsche Pendel' und 'Die Insel des vorigen Tages' sollten Grund genug sein, oder? Und grade bei seinen Buechern gibt es eine Menge zu diskutieren, das merke ich schon in meinem Freundeskreis. Also: Rafft Euch auf und schreibt mir, dass Ihr von der Idee begeistert seit! Je mehr Stimmen, desto besser! K.u.K. Fetznfliaga: Do muass i mi amoi ois sundabeaufdrogda fia Weanarische lidaradua eischoidn. Des is ohglehnt. Zerschd kumman mia Weana. :-) Und waun scho, daun san ma zerschd fia "alt.fan.heimito-von-doderer" oda "alt.fan.hc-artmann". Weu de zwa san fia uns de wichdigsdn. Und schdilisdisch schdens a a bissal hecha in da raunguadnung. Daun homma doda no in Herrn Musil, dea lemsnochhuef fia uns gschdudiade akademika gibd. Daun homma jo no uandliche audsoi an guade leidln, mia weana. s' BRODelt und WERFELt, s' KAFKAt und KISCHt bei uns dswoa nimma so, owa unsare guadn oidn hawara schdengan hoid aun easda schdoe, des is amoi so bei da fabreidung vo Weanarisch ois woedschbroch. Heid woa d'easde fasaumlung 's'grossn rods fia lidarudua. I gib eich an kuazn berichd. Auwesend woan: da K.u.K Fetznfliaga da K.u.K. Sundabeaufdrogte fia Weanarische Lideradua Schdimmberechdigd woa nua da Fetznfliaga und damid homma an beschluss fossn kenna. (Wauns eich ned auskennds, daun miassd no bissal wos iwa schizofrenie lesn oda in K. u. K. Matematika frogn. ;-) ) Noch zwa melaunsch und gaunz ohne a tagesuadnung hods s'Undakummidee foigendes ohne a anziche gegnschdimm beschlossn: 1) Ka Umberto Eco. 2) Waun scho, dann in Doderer oda in Musil. 3) Daun kummd amoi a Torberg, a Lernet-Holenia, da Kraus, da Perutz, da Polgar, da Werfel, da Kafka, da Herzmanowsky-Orlando, daun olle aundan wichdign fadreda da weana lidarudua. 4) Olle midglieda vo We 6 diafn de lisdn fafoischdaendign. Owa sunsd kana. 5) In Artmann miass ma gaunz b'sundare eanstoe eirama. 6) De rechnung vo de zwa melaunsch muass da Sea Vaeata Hea K.u.K. Vuasitzenda Praesident oda da Hausmasda fia Schlawinistik zoin. Daun samma gaungan. Und hiazt bin i wieda gaunz. da kakanische Fetznfliaga midn darockanischn Sundabeaufdrogtn, dea midn Weanarischen de esoderika ned gaunz fastehd :-) Da OPVVM: Seas Fetznfliaga, di hods owa schee zafetzt. Bist Du no do oda scho bei de Schbageddifressa unt missionian? |> Noch zwa melaunsch ^^^^^^^^^ oda woans zwa Cappuccini? Wos is midn Turrini und in Baua Woifal? Und de Jellinek deafst a ned vagessn. Wei^H^H^HFrauen gibt's uewahaupt guade, woat amoi, wea foid ma do ei? Die Barbara Frischmuth, die Jutta Schutting, owa de is jetzt ee a Mau, nau jo, und de Ingeboag Bachmau nadialich. Daun howi no wos fian Josef, weu dea so gean Gedichte mog: palatschinkn so ledschad wia dei gschau um siewane in da frua mog i ned resch miassns sei wia di koenarin owa ned so schwoaz auf da untaseitn Der Oberpalatschinkenvernichter wuenscht dem Komitee eine gute Nacht da josef, k.u.k. owagscheada biavadaumpfa: heast beand, des is jo a supa gedichtl - richtige hochguidur, va weam isn des, ameinte goa va dia ? i hobs jednfois schau in mein zimma aufgheingt [Hengz no, josef?] des is a.c.a !!!! soitat ma efta mochn beeindruckt da josef k.u.k. owagscheada biavadaumpfa (dea gean a bissl poesie em biadaumpf siacht) K.u.K. Fetznfliaga: >Seas Fetznfliaga, di hods owa schee zafetzt. Bist Du no do oda scho >bei de Schbageddifressa unt missionian? jojo, zafetzt hods mi uandli im seiwaschbehs, umasunsd bin i ned da Fetznfliaga. S'missionian ged nexde wochn los, brauchsd ka aungsd hom, owa a bissal vuabereidn muass i mi a no, is eh kloa. Wia xogd, i bring eana untn idealienisch, echt weanarisch mid hend und fiass bei. >|> Noch zwa melaunsch > ^^^^^^^^^ >oda woans zwa Cappuccini? nojo, doda in wean dadad i no melaunsch sogn, untn is des owa a kappudschino, weu daun vaschdehns mi leichda. >[Turrini, Baua, Jellinek, Frischmuth, Schutting, Bachmau] Voikommen berechtigd, dei vuaschlog, owa i kaun wegen dem an ned glei an lidaraduaalmanach schreim. Und da muass ma hoid amoi de ollagresdn aufian, des vaschdeds es eh olle. I man jo nua, a njusgruppn fian Umbeato Eko ged z'weid. >[Gedicht] echd suba, heasd Beand du hosd jo no zwads beruflichs schdaundbein, heasd, des hed i ned klaubd fo dia. >Der Oberpalatschinkenvernichter wuenscht dem Komitee eine gute >Nacht Owa bei dem sotz doda is a wos schiefgaungan. Sei ma ned bes, owa i fiacht hoid, doss du im seiwaschbehs duach irgnda schdaundardisiarung eksekjuteble kumman bisd. Jojo, de heidign kombjuda san hoid ois a deiflsweak. Mi geds a ned bessa, des wasd jo eh scho. :-) Da Schnitzlvatuega Oiso, i dadat no de foigendn nominian: - Joesy Prokopetz wegn de Ambros-Texte, Watzmann, Schaffnerlos und in Hean Raedl. - Carl Merz von dem is zum Beispue da Text vom "Herrn Karl", soweid i waas. - da Nestroy und da Raimund - Wos is midn Kurt Tucholsky, min Kisch, min Wehle ? Guet da Friedrich Torberg a ? De Iwasetzungen vom Kishon san afoch genial. Ois Sondabeauftrogta fia Seins-Fikdschn muass i a no a poa eawehnen: - Josef Haslinger, "Opernball" - Otto Basil, "Wenn das der Fuehrer wuesste" - afoch aetzend - Gerhard R. Steinhaeuser, "Unternehmen Stunde Null 1986" - Egon Friedell, "Die Rueckkehr der Zeitmaschine" - Franz Werfel, "Stern der Ungeborenen" - Joerg Mauthe, "Die grosse Hitze oder Die Errettung Oesterreichs durch den Legationsrat Dr. Tuzzi" (des Buach suach i !!!) [Hod si ealedigt, is Buach is ma scho zuagrennt.] - Ernst Petz - Carl Amery Des is zwoa a Bayer, oba dea hod a supa SF-Biachl im bayrischn Dialekt von 1870 gschriebn: "An den Feuern der Leyermark". Nix gegn in Ernst Vlcek, oba Perry Rhodan is hoid a bissl wenich ois Qualifikation. :-) >Der Oberpalatschinkenvernichter wuenscht dem Komitee eine gute >Nacht Sog amoi, wos redst denn do auf amoi fia a komische Sproch ? da k.u.k. owagscheada biavadaumpfa: en Weinheber (sic!) und en Qualtinger derfst owa net auslossn ! sunst schliass i mi noch ana kuazn berotung mit mia soewa dem obstimmungsergebnis aun... Andreas Rudich: : 4) Olle midglieda vo We 6 diafn de lisdn fafoischdaendign. Owa : sunsd kana. I bin zwoa ka Mitglied vo We 6, owa i alaub ma trotzdem, den Reinhard P. Gruber voazuschlogn. Dea is awa ka Weana, sundan a Steira (aus da Sch"ulchagegend) Da Aboridschinie: >I bin zwoa ka Mitglied vo We 6, owa i alaub ma trotzdem, >den Reinhard P. Gruber voazuschlogn. >Dea is awa ka Weana, sundan a Steira (aus da Sch"ulchagegend) >Da Hoedlmosa lebt ! Na gloa, is sowiso aa a Eanmidglied! Da Schnitzlvatuega: >I bin zwoa ka Mitglied vo We 6, Daun tritt hoid afoch bei. >owa i alaub ma trotzdem, >den Reinhard P. Gruber voazuschlogn. >Dea is awa ka Weana, sundan a Steira (aus da Sch"ulchagegend) Ob Steira oda Weana, is do wiakli wuascht. I schlog no in Felix Mitterer vua. Andreas Rudich: : >I bin zwoa ka Mitglied vo We 6, : Daun tritt hoid afoch bei. Gean. Wia gehtn des ? Da Owapalatschinknvanichta: |> : >I bin zwoa ka Mitglied vo We 6, |> : Daun tritt hoid afoch bei. |> Gean. Wia gehtn des ? Drog di doch afoch im Guati seina Bedsch ei (http://bau2.uibk.ac.at/guerti/weanarisch/) und los da a boa leiwaunde Didln eifoin. Waunsd daun a Midglied bisd, soitast a Gedichd schreim (des is so a neiche Regelung vo mia, das mara bissal a Kuitua kriagn in dera Gruppn, owa mia scheint, Du hosd do ee scho an Beidrog gleist). Da Owapalatschinknvanichta: |> heast beand, des is jo a supa gedichtl - richtige hochguidur, va |> weam isn des, ameinte goa va dia ? Danke, danke, kloa iss vo mia, i hob ma gedocht, des meakt ma ee glei aun da Demadik. |> i hobs jednfois schau in mein zimma aufgheingt Des eat mi owa sea. Wos drinkst? |> des is a.c.a !!!! soitat ma efta mochn Genau, drum how i ma aa ealaubt, den Sred umzubenennan. Oiso, da ZeeEfGee (Call For Gedichtln) is eaoeffned. Da Saatsch hod jo scho wos beidrogn. Vielleicht hea ma a wos vom Koalabeali. Andreas Rudich: : Oiso, da ZeeEfGee (Call For Gedichtln) is eaoeffned. Z'erscht ans vom herms Fritz (aa a hassa Tip fia unsa Litaratua-Listn): Da Heislbaua Seppl Gross wiad iba Nocht sei Oabeit los. Und - awarakadawara - olle seine Hawara. Wal sei Freindschoft nix mea bringt, und wer Unglick hot, der stinkt. Nocha suacht da Sepp vagebns im Wiatshaus noch dem Sinn des Lebens. Oiso nimmt sei Frau des Kind, pockt die Koffa und vaschwindt. "Pfiat di Gott, du bsoffne Sau !" sogt zum Obschied sie genau. Und da Sepp sogt goa nix mehr, und daschiasst si mitn Gwehr. A Stodtmensch kummt mit seina Braut, der des Heisl weitabaut. Nua da Wirt, der is betroffn: "Do woa do noch a Rechnung offn..." Und jetzt ans von mir: Pass auf, waunnst von da Bruckn schiffst, dosst net die Obaleitung triffst. Wal sunst gibts an klanen Kurzn, und zua Blunzn wird dei Wurzn. da josef, k.u.k. owagscheada biavadaumpfa: nau prowia mas hoid amoi mid an gschichtl- gedichtl: wos ollas gibt ! neilich sitz i ba an bia, gaunz allane und sinnia iwa d grosse woed, iwa staeule weiwa iwa d neichn windoofs treiwa iwa n binkl goed... i sitz und sinnia.... do vadaumpft ma mei bia ! nau waun des nix is...:-) da josef k.u.k. owagscheada biavadaumpfa dem ka gedichtl zbled sei kau... Da Owapalatschinknvanichta: |> nau prowia mas hoid amoi mid an gschichtl- gedichtl: Lauft jo scho guad au, de Soche. Jetzt kemma boid an Kontest starten. -still-waiting-for-Koalabealis-poetical-trials- Da Josef: >-still-waiting-for-Koalabealis-poetical-trials- wosn des fia schbroch ? Da Schnitzlvatuega: >>-still-waiting-for-Koalabealis-poetical-trials- >wosn des fia schbroch ? Des foid ma jetz a scho auf. Da Owapalatschinknvanichta redt in letzta Zeid maunchmoi in so komische Fremdsprochn. Vua kuazm hochdeitsch, jetz an leichtn englischn Einschlog - i kenn mi ned aus. Beand, wen wuestn fawian ? In Sii Eii Eeh ?