Ein ganz anderes Thema! Eine Ballade! Aus den Archivn von da a.c.a, 01.02.97 - 12.02.97 Pulsar: Ich habe ein interessantes Gedicht ! Ich suche nämlich nach einen Verlag! Schnitzlvatuega: Jetz kenn i mi ned aus: Host a Gedicht, und suachst dafia an Valog, oda host a Gedicht iwa Dei Suche noch an Valog? Waunst a Gedicht host und dafia an Valog suachst, soitat des Gedicht scho a bissl lenga sei, sunst wiad des a sea dinnes Biachl. John Gruber: Woascheinli issas de Ballade vaum dodn Hund..... Deshoib suachsd no imma. Gibds ibahaubd a "interessantes" Gedicht? I hob ma imma docht de Veasln san entweda guad,schlechd, erbauend, eaquickend, beleerend, spassig usw.usf., oba "interessant" ... Bernd Wender: > Gibds ibahaubd a "interessantes" Gedicht? > I hob ma imma docht de Veasln san entweda guad,schlechd, erbauend, > eaquickend, beleerend, spassig usw.usf., oba "interessant" ... Des 'Intaresant' weadn eam woascheinlich de Valega xogt haum, wiasas glesn haum. Muasd da vuaschdoen, Valoog, gross' Buero, Valega im Schefsessl zwischn Yucca-Palmen und Ficus Benjamini, hoz Gedichtl in da Haund, nippt am 24 Joa oidn Schottischn und sogt: 'Intaresant, do kenntat ma wos mochn. Da Soundso ruaft ina daunn im Laufe da nextn Wochn au'. Waast ee, wia soichane Gschichtln weidagengan ... John Gruber: Und da Valega im Schefsessl sogd zan Poet: schreib a Gedicht, reiman muass sich hoid. I moch den Resd. I sich scho di Dolla, pardon, Schuelling in meine Augn.. Und da Poet, losd sich ned laung hassn. Ea schreibd..und schreibd ...und schreibd. Und am sibtn Tog schaud ea sichs o und maand, es is guad... die Ballad. Ea gehd zruck zan Valega und sogd: i hobs. Da Valega sogd, ge heasd zags ma bevua iis in Druk gib. Ea denkd sich, da Poet hod laung gnua drauf umagschuastat, es wead woi wos sei. Via Zeilen. Des woas. Di gaunze Ballad. Und es ging foigendamossn: A Fischa schded am Meeresstrond, ea hoidad d'Ongl in da Hond, ea wue sich fongan einen Barsch, und dos Wossa reichd eam bis zan Knia... Soweid so guad. Da Valega schaut etwos valegn, grotzd si am Haeupl und maand: Mei liaba Hea, is des ois. Da Poet eawidat: Jo. Da Valega maand, fia an aunschdaendign Dolla, pardon, Schuelling issas a wengal kuaz. Da Poet eawidat:jo. Da Velaga maand: fia an aunschdaendigs Marketing sois a Dichtung sei. Oba es reimd sich ned. Da Poet eawidat: Jo i waas. Reiman duad sis ned, oba es dichdad. k.u.k. Schraufingarin: >Gibds ibahaubd a "interessantes" Gedicht? >I hob ma imma docht de Veasln san entweda guad,schlechd, erbauend, eaquickend, >beleerend, spassig usw.usf., oba "interessant" ... Filaicht so in dem Sinn von "seeeea indaressand" und skebtischn Xichtsaudrugg dazua... ;-) Sadsch: >Ich habe ein interessantes Gedicht ! >Ich suche nämlich nach einen Verlag! Woas des eppa scho? und an komischn Nauma hosd du aa... wia waunsd ausn Staa Treck kummasd. Du muasd ana fo denan sei, de im Hitschkeika's Geid tu sse Gallacksi eawend san. I was nimma wea, de Jatravartidn fo Wiltwodl VI woans jednfois ned, owa de zweitschlechtaste Dichtung im Univeasum haums ghobd, und enlich komische Nauman wia Du haums aa ghobd. Und a uandliche Foita sois sei, waumma denan ea Dichtung head. k.u.k. Schraufingarin: Woa des net da Prostetic Vogon Jeltz? Wous de ollaergste Schdroff woa, wonn am dea a Gdichtl vurglesn hot? Gerhild Kirchweger: : Woa des net da Prostetic Vogon Jeltz? Wous de ollaergste Schdroff woa, : wonn am dea a Gdichtl vurglesn hot? Ma siagz wieda amoi: des Mittogessn foedat de Telpati enoam!!!! k.u.k. Schraufingarin: gerhild@fvkma.tu-graz.ac.at (Gerhild Kirchweger) wrote: >Date: 6 Feb 1997 12:44:46 GMT >Ma siagz wieda amoi: des Mittogessn foedat de Telpati enoam!!!! heidrun@mech.tu-graz.ac.at (k.u.k. Schraufingarin) wrote: >Date: Thu, 06 Feb 1997 12:44:55 GMT >Wie woa des mit da Dellebatie? :-))))) Jobistu, jetz wiads hewwi. Gerhild Kirchweger: : Jobistu, jetz wiads hewwi. Wos wiad do woi in dem Brotwiaschtl dringwesn sein? k.u.k. Schraufingarin: >Wos wiad do woi in dem Brotwiaschtl dringwesn sein? Wuelde Woelln. Gerhild Kirchweger: : Du muasd ana fo denan sei, de im Hitschkeika's Geid tu sse Gallacksi : eawend san. Prostetnik Vogon Jelz. Fia die Rechtschreiwung uewanimm i wia imm ka Vaontwoatung. k.u.k. Schraufingarin: heidrun@mech.tu-graz.ac.at (k.u.k. Schraufingarin) wrote: >Date: Thu, 06 Feb 1997 12:42:19 GMT >Woa des net da Prostetic Vogon Jeltz? Wous de ollaergste Schdroff woa, >wonn am dea a Gdichtl vurglesn hot? gerhild@fvkma.tu-graz.ac.at (Gerhild Kirchweger) wrote: >Date: 6 Feb 1997 12:43:24 GMT >Prostetnik Vogon Jelz. Wie woa des mit da Dellebatie? :-))))) John Gruber: > Prostetnik Vogon Jelz. Des woa da Kapitaen vaum Constrakschion Schiff, dea schiache Hund, dea dichtat hod. Und jedsmoi waun a jemond wiaklich hod woin beschdrofn, hod a dea Person seine Veasln vuaglesn, bis dem oaman Heita di Uawaschln o'gschdondn san. Sgt. Blumenkraft: >Prostetnik Vogon Jelz. Prostata nicht von Jelzin? Iagndwos muas da Edems jo gmaand haum, owa wos? k.u.k. Schraufingarin: >Prostata nicht von Jelzin? >Iagndwos muas da Edems jo gmaand haum, owa wos? Ondn Jelzin eha net, wal wiara des gschriebn hot, i waas net, ob in den 70a no, oda friare ochzga, do hom de Russn jo nua de lewendn Leichn Andropoff oda Breschnieff obm ghobt, und no ka Jelzin weit und breit. Owa, und do kummen ma inan woedschbrochlichn Zommenhong: Es haast jo, dass eam de Idee zum Hitschheika kummen is, wiara auf Intarehl in Innschbrugg auf ana Wiesn glegn is, und de (fia eam) sundaborn Laute von de Uaeinwohna ghert hot. Wea waas, filaicht hot ea do wos tiarolarischs gheert, wos eam schbanisch vuakummen is. Filaicht worn do a boa Tschecharantn nebon, de si zuaprostet hom, donn warad scho da erschte Tal vom erschtn Wuart geklert. Den Rest da Klerung uewaloss i eich, i warat gestan nemli fost im Beamudadraiegg vaschulln, und laboriar heit no on de Schbetfuign...